shabdo ko dhalu kaise

Aate Huye Khayaalo Ko Kagaj Par Utaaro Kaise?
Jo Chal Raha Hain Man Mein Sabdo Mein Dhaloo Kaise?

Waqt Kei Safar Mei Dekha Hai Bahut Kuchh
Aaj Chal Rahi Hai Jo Aandhi Use Sambhaloo Kaise?

Gazab Do Raahe Par Khadi Ho Gayi Hoo
Kaun Sa Raasta Hai Sahi Dil Ko Samjhaao Kaise?

Ek Taraf Mera Sapna Ek Taraf Kuchh Apano Kei
Kisi Ek Ko Hai Chhodana Aadat Daaloo Kaise?

Raat Ho Rahi Hai Andhera Ghanera
Din Ka Ujaala Aane Tak Khud Ko Sambhaaloo Kaise?

Dono Hi Raaste Jaan Se Bhi Pyaare Hai Mujhe
Kisi Ek Ko Bhi Chhodane Ki Himmat Laoo Kaise?

Chal Raha Hai Waqt Bahut Tezi Kei Saath
Waqt Ko Isaki Garima Tak Pahuchaao Kaise?